தமிழகத்தின் 234 சட்டமன்றத் தொகுதிவாரியாக மேடையிலிருந்து திடீரென கீழே இறங்கி வந்த விஜய்! எதற்கு தெரியுமா?
தமிழகத்தின் 234 சட்டமன்றத் தொகுதிவாரியாக 10 மற்றும் 12ஆம் வகுப்புத் தேர்வில் முதல் 3 இடங்களைப் பிடித்த மாணாக்கர்களுக்கு விஜய் மக்கள் இயக்கம் சார்பில் இன்று சென்னை நீலாங்கரையில், பாராட்டுச் சான்றிதழ்கள் மற்றும் ஊக்கத்தொகை வழங்கப்பட்டது. இதை நடிகர் விஜய் வழங்கி, அவர்களுக்குப் பாராட்டு தெரிவித்தார். மாணவர்களும், அவருடன் புகைப்படம் எடுத்துக்கொண்டனர்.
இந்த நிலையில் ஒவ்வொரு மாவட்டத்திலும் முதலிடம் பெற்ற மாணவ, மாணவிகளுக்கு மேடையில் அழைத்து சான்றிதழ்களையும் ஊக்கத்தொகையையும் வழங்கி வந்தார் விஜய்.
கோவை கிணத்துக்கடவு தொகுதியைச் சேர்ந்த 12ஆம் வகுப்பு மாணவி ஆர்த்தியின் பெயர் அறிவிக்கப்பட்டபோது, அந்த மாணவி மாற்றுத்திறனாளி என்பதைக் கேள்விப்பட்டவுடன் அவரே, மேடையிலிருந்து கீழே இறங்கிச் சென்று சான்றிதழையும், ஊக்கத்தொகையும் வழங்கி கெளரவித்தது நெகிழ்ச்சியை ஏற்படுத்தியது.
